Бүгін жол активтерінің ұлттық сапа орталығы облыстық филиалының өткен жылғы қортындысы жарияланды. Сараптама нәтижесінде кейбір істелген жұмыстардың жол құрылысының нормативтік құжаттарына сәйкес келмейтіндігі анықталды. Жауапсыздық танытқандарға айыппұл салынды. Былтыр облыс, қала көлемінде ауқымды жол құрылысы және жол жөндеу жұмыстары жүрді. Істің қаншалықты сапалы атқарылғаны қар еріген соң байқалары анық. Былтырдан бері жаңадан төселген асфальт сынамаларына тексеру жүргізген орталық басшылығы бүгін сараптама нәтижесін жариялады. Қалада жаңадан төселген жолдар параметрлерінің құжаттағы есептік көрсеткішке сай келмеуі бойынша 124 дерек анықталып, 359 миллион теңгеге жұмыстарды қайта жүргізу ұсынылды. Сондай-ақ, Тельман Малаевтың айтуынша, республикалық маңызы бар автокөлік жолдарын жөндеу кезінде де өрескел бұзушылықтарға жол берілген.Айта кетейік, жауапсыз атқарылған жұмыстар бойынша 10 хаттама толтырылды. Салғырттық танытқан тапсырыс берушіге, мердігерге және техникалық қадағалаушыға 1 жарым миллион теңге көлемінде айыппұл салынды.