Өңірде тұтынушылардың құқығын қорғау мәселелері жөніндегі жұмыс тобы 11 айдың қорытындысын жариялады. Осы уақыт аралығында департаментке 1817 өтініш түскен. Интернет алаяқтық деңгейі өткен жылмен салыстырғанда 89,6 пайызға артқан. Жиында облыстық полиция департаменті мен тұтынушылардың құқықтарын қорғау департаменті мамандары келіп түскен шағымдар бойынша жүргізілген тексеру жұмыстарының нәтижесін баяндады. Тұтынушылар құқығына қатысты өзара әрекеттесу мақсатында меморандумға қол қойды. Жыл басынан бері облыстық тұтынушылардың құқықтарын қорғау департаментіне түскен өтініштердің 82 пайызы оң шешімін тапқан. Мамандар жергілікті атқарушы органдармен , қоғамдық бірлестіктермен тығыз қарым-қатынас орнатып, құқық бұзушылықтардың алдын алу жұмыстарын белсенді түрде жүзеге асырды. Соған қарамастан әлеуметтік желі арқылы халықты алдап, арам ақша жасағысы келгендер қарасы тиылмаған. Бірі тұрғындарға тұтынылған ауыз су үшін төлемін асыра көрсетіп, түбіртектер жіберсе, автосалон атын жамылғандар көлік сатып алушыларды төлем картасымен есеп айырысқаныңыз үшін деп қосымша қаржы талап етіп, алдамақ болған.Сондай-ақ, интернет алаяқтық деңгейі жыл сайын артып келеді. Өткен жылы 533 дерек орын алса, биыл аталған қылмыстың 1005 жағдайы тіркелген. Олардың басым бөлігі "Olx.kz", "Kolesa.kz" және "Крыша.кз" секілді сауда алаңдарында тіркелген. Баянадамалардан соң жиынға қатысқандар өз ұсыныстарын жолдады. Тұтынушылар тарапынан сұрақ туындаған жағдайда, бірінші қазақ тілінде қызмет көрсету жайы ақсап тұрғанын тілге тиек етті. Шара соңында тұтынушылардың құқықтары мен мүдделерін қорғауға белсенді қатысқан қоғамдық бірлестік мамандары тәуелсіздіктің 30 жылдық мерекесіне орай облыс әкімі Оңдасын Оразалиннің "Алғыс хатымен" марапатталды.