Тұрғындарда экологиялық мәдениет жоқ. Осылай деген экологиялық инспектор қаладағы заңсыз қалдық төгілген орындарды жоюға жеке тұлғалар кедергі келтіріп отырғанын айтты. Анықталғандай, қоқыстар жойылып, тазаланған жерге түнделетіп қалдық төгіп кететіндер де жоқ емес. Ал жиналған қоқыстың жартысы құрылыс қалдықтары болса, жартысы тұрмыстық қалдықтар. Тұрғындарға ексертілсе де, ескі полигонның орнына қоқыс тастайтындар көп. Сондай-ақ, белгіленбеген жерге қалдық төккен тұрғындар әкімшілік жауапкершілікке тартылып, 20 айлық есептік көрсеткіш көлемінде айыппұл төлейді. Айта кетейік, биыл өңірдегі 719 осындай орынды жою жоспарланған. Олардың 647-сі қалада. Көбі ескі полигон орнында анықталған. Белгілі болғандай, бүгінде қалада 47 заңсыз полигон бар. Ал жыл басынан бері 14 жер учаскесі заңдастырылған.