Күн жылына өңірімізде көктемгі егіс науқаны басталмақ. Шаруалар бұл іске сәуірдің 20- сынан кейін кірісуді жоспарлап отыр. Ауыл шаруашылық құрылымдары бойынша егістік жер көлемі 722 мың гектарды құрайды. Дизельді отын мен техника жеткілікті, дейді мамандар.Биыл облыстағы барлық егістік жер көлемі 722 мың гектарды құрайды.
Оның жартысына жуығы көкөніс пен бақша дақылдарына арналған. 85 мың гектар жерге майлы дақыл егілмек. Ал 250 мың гектар жер мал азығына қарастырылған. Картоп, жаздық арпа дақылдары себіліп, қант қызылшасы мен өзге де көкөніс егу жоспарланып отыр. Оған қажетті тұқым Ресейден жеткізілді. Барлық ауыл округтерінде көктемгі дала жұмыстарын жүргізу туралы жұмыс жоспары бекітілген. Жанармай, техника дайындау жұмыстары қызу жүріп жатыр, дейді сала мамандары. 9500 тонна дизельді отын бар. Шаруалар үшін литрі 184 теңге. Көктемгі егіс науқанына биыл мемлекеттен 1,3 млрд.теңге бөлінген. Облыстық ауыл шаруашылығы басқармасы мамандарының айтуынша, өңірімізде астық тапшылығы жоқ. Егістік алқаптарына қажетті минералды тыңайтқыштар мен гербицидтерге тапсырыс берілді. Жуырда Ресейден жетуі керек. Кейін аудандардағы шаруашылық құрылымдар тұқым дәрілейтін химикаттармен қамтамасыз етілмек.